Асекциақәа ркураторцәас иқәгылоит:
- «Деловая культура» — «ВЭБ.РФ» ахантәаҩы Игорь Шувалов;
- «Кино» — акино Афонд анагӡаратә директор Фиодор Соснов;
- «Культурное наследие: традиции и современность» — Урыстәылатәи аетнографиатә музеи адиректор Иулиа Купина;
- «Медийная культура» — ИТАР-ТАСС адиректор хада Андреи Кондрашов;
- «Музеи» — Аҳәынҭқарратә Ермитаж адиректор Хада Михаил Пиотровски;
- «Музыкальная культура» — Санкт-Петербург Аҳәынҭқарратә академиатә капелла адиректор хада Ольга Хомова;
- «Путь объединённых культур и технологий к культурному коду будущего» — Аҳәынҭқарра Ахада иҟны иҟоу акультуратә аԥшьгарақәа рфонд адиректор хада Роман Карманов;
- «Театр» — Аҳәынҭқарратә амилаҭқәа ртеатр асахьаркыратә напхгаҩы Евгени Миронов;
- «Традиционные ценности как основа диалога культур» — Урыстәыла анаукеи иреиҳау аҵарадырреи рминистр ихаҭыԥуаҩ Константин Могилевски;
- «Цирк» — Вернадски ипроспект аҿы иҟоу Москватәи аҳәынҭқарратә цирк адиректор хада Едгард Запашныи;
- «Художественное образование» — ГИТИС аректор Григори Заславски.
Аплошьадкақәа зегьы рымҩаԥгараан имҩаԥыслоит адискуссиақәа, араҟа иазԥхьагәаҭоуп кырџьаратә иааз алахәылацәа рықәгылара.
Афорум аҳәаақәа ирҭагӡаны шьҭа традициала ишышьақәгылахьоу еиԥш имҩаԥысуеит акультуреи аҟазареи русхкы аҿы Аермитажтә премиа анашьара иадҳәалоу агәырӷьаратә церемониа. Сынтәа алауреатцәас иҟалоит адирижиор, амузыкант Теодор Курентзиси Аҳәынҭқарратә Ермитаж адиректор хада Михаил Пиотровски», — ҳәа илҳәеит Татиана Голикова.
Афорум апрограммала иазгәаҭоуп Урыстәыла ахада Владимир Путин дызлахәу апленартә еилатәара, атематикатә еилацәажәарақәа, акультуратә инициативақәа рӡыргара, иара убас Урыстәыла Аиҳабыра ахада ихаҭыԥуаҩ Татиана Голикова дызлаху ахыркәшаратә еилатәара.
Афорум асасцәеи алахәылацәеи – адунеитә культура аусзуҩцәа: арежиссиорцәа, артистцәа, асахьаҭыхыҩцәа, ашәҟәыҩҩцәа, амузыкантцәа, аҵарауаа, аусдкылаҩцәа. Зынӡа афорум аҿы иқәгылараны иҟоуп 400-ҩык инареиҳаны Урыстәылеи аҳәаанырцәтәи атәылақәеи рҟынтәи аспикерцәа.
Аусмҩаԥгатә мҩаԥысуеит цәыббра 11 инаркны 13 рҟынӡа.
