Аомбудсмен Анас Кьышьмариа аспикер напхгара зылҭо аусбарҭа инанагӡо аусуреи Ауаҩы изинқәа рыхьчаразы Азинмчы змоу Иаппарат ахь иадҵаало ауаа аиҳарак ирымоу апроблемақәеи ртәы изеиҭалҳәеит. Лара иара убас жәларбжьаратәи аимадарақәа рырҿиареи аԥсны-урыстәылатәи аусеицура арӷәӷәареи иаҵоу аҵакы ахадара инаҵшьны иазгәалҭеит.
Лаша Ашәбеи Анас Кьышьмариеи ауаҩы, атәылауаҩы изинқәеи ихақәиҭреи азакәкнԥҵаратәи апрактикатәи аиқәыршәара азҵаарақәа ирлацәажәеит.
Апарламент Аиҳабы «Апарламенти ауаҩы изинқәа рыхьчаразы Азинмчы змоу аинститути рыбжьара ишьақәгылаз аусеицура атәылауаҩ ихақәиҭреи изинқәеи реиқәыршәаразы ихымԥадатәиу ауснагӡатәқәа рыдкылара ишацхраауа» азы агәрагара ааирԥшит.
