Аҳәынҭқарра анапхгаҩцәа Лыхны ақыҭан Аԥсадгьыл ахьчараз иҭахаз ргәаладыршәеит, араҟа игылоу иҭахаз Рмемориал амҵан ашәҭшьыҵәрақәа шьҭарҵеит, ҳәа иаанацҳауеит атәыла Ахада ипресс-маҵзура.
Иахьа Лыхны ақыҭан иаадыртуеит аиқәԥареи абокси рзы абаҩрҵәыратә зал ҿыц. Аиҭашьақәыргыларақәа ирылагеит лаҵарамза 18 рзы Аҳәынҭқарра Ахада Гәдоуҭа араион ашҟа иусуратә ҭаара аҳәаақәа ирҭагӡаны идиклаз аӡбамҭа инақәыршәаны. Арҽеиратә усурақәеи амаҭәахәқәеи рзы аҳәынҭқарратә биуџьет аҟынтәи 15 миллион мааҭ рҟынӡа ахарџь азоужьхеит.
