Аиԥылараҿы аԥсыԥ лага-ҩагаратә авирусттә ҿыкчымазарақәа аепидемиатә сезон аҽазыҟаҵара уахь иналаҵаны, аҿыкчымазарақәа рыпрофилактика амҩаԥгара иадҳәалоу аспект хадақәеи ауааԥсыра рыбжьара аҽыхьчагатә лаҵа амҩаԥгареи ирыдҳәалоу азҵаарақәа жәпакы ирылацәажәеит, ҳәа адырра ҟанаҵоит агәабзиарахьчара Аминистрра апресс-маҵзура.
Ҷыдала ахшыҩзышьҭра аҭан аепидемиологиатә хылаԥшреи агәаҭареи рганахьала аԥышәеимадареи, иара убас аҿыкчымазарақәа ралаҵәара аԥхьырҟәҟәаара иазку астратегиатә азԥхьагәаҭареи.
Урыстәылатәи аделегациа аилазаараҿы иҟан – Афедералтә ҳәынҭқарратә Абиуџьеттә Усбарҭа аклиникатә вирусологиа Ацентр (ФГБУ «НМИЦ ФПИ») анапхгаҩы Мариа Ласеевеи аҿыкчымазарақәеи аепидемиологиеи ркафедра анапхгаҩы, амедицинатә наукақәа рдоктор, апрофессор, Аладатәи Афедералтә Округ аҿы Урыстәылатәи Афедерациа агәабзиарахьчара Аминистрра аҿыкчымазарақәа рзы аштатнҭыҵтәи аспециалист хада Владимир Городини.
Аиԥылара иара убас рхы аладырхәит Аԥсны агәабзиарахьчара Аминистрра апрофильтә усбарҭақәа рхаҭарнакцәа, Асанитар-епидемиологиатә Маҵзура анапхгара.
