Аҟәа. Жьҭаарамза 13, 2022 шықәса. Аԥсныпресс. Жьҭаарамза 14, асааҭ 17:00 азы, С. Ҷанба ихьӡ зху аԥснытәи аҳәынҭқарратә драматә театр афоие аҟны Рафаеля Гусеинов ишәҟәы «Путь Путина» аӡыргара мҩаԥысуеит, ҳәа иаанацҳауеит Аԥсны акультура Аминистрра апресс-маҵзура.
Аӡыргара аспикерцәа: Степашин Сергеи Вадим-иԥа – Урыстәылатәи ашәҟәытә еидгылара апрезидент, УАЕ Анапхгараҭара ахантәаҩы; Палько Леонид Леонид-иԥа – Зҭакԥхықәра Ҳәаақәҵоу Аилазаара «Вече» аҭыжьырҭа адиректор хада; Косоуров Виктор Семион-иԥа – Урыстәылатәи ашәҟәытә еидгылара апрезидент иабжьгаҩ.
Ашәҟәы иалалеит абҵарамза, 2021 шықәса инаркны ԥхынгәымза 2022 шықәсанӡа Урыстәыла Ахада ириҭаз аинтервиу дуқәа жәаба. Арҭ аиҿцәажәарақәа XXI ашәышықәсазы зегьы раасҭа иналукааша урыстәылатәи политикны иԥхьаӡоу ихаҿы иҿыцу ганрацәала аарԥшра алнаршоит.
