«Шәара изныкымкәа аԥсра абла шәҭаԥшхьан, акыр амыҟәмабарақәа шәхыжәгахьан, аха афырхаҵареи агәымшәареи аарԥшны ҳажәлари ҳҳәынҭқарреи рыхьчара  шәылшеит», — ҳәа инаҵшьны иазгәеиҭеит Бадра Гәынба.

Аҳәынҭқарра Ахада иазгәеиҭеит аветеранцәа рфырхаҵара еиҵагыло абиԥаразы хра злоу ҿырԥшны ишыҟоу.

Абаталион «Горец» адҵаҟаҵаҩ, Аԥсны Афырхаҵа Вианор Ашба, иара убас аиԥылара иалахәыз егьырҭ аветеранцәа Аҳәынҭқарра Ахада иҭабуп ҳәа иарҳәеит Аџьынџьтәылатәи еибашьра аветеранцәа рганахьала иааирԥшуа ахшыҩзышьҭра азы.

Аиԥылара ахыркәшамҭаз уи иалахәыз аветеранцәа зегьы Ареспублика Аԥсны атәылахьчара Аминистрра амедалқәа ранашьахеит.