Акомиссиа Аҳәынҭқарра Ахада Бадра Гәынба иусԥҟала жьҭаарамза 31, 2025 шықәсазы иаԥҵан.
Аилатәараҿы иналукааша аԥсуа шәҟәыҩҩы, Аԥсы Жәлар рпоет, Аԥсны, Асовет Еидгылеи Урыстәылеи ашәҟәыҩҩцәа Реидгылақәа рлахәыла, Аԥсны Анаукақәа Ракадемиа иҵабыргу алахәыла, Д.И.Гәлиа ихьӡ зху Аҳәынҭқарратә премиа алауреат, «Ахьӡ-Аԥша аорден I аҩаӡара занашьоу Баграт Уасил-иԥа Шьынқәба ибеиоу илитературатәии инаукатәи аҭынха аиқәырхара иазку аунагӡатәқәа ирылацәажәеит.
Акомиссииа алахәылацәа ирзаԥхьан Баграт Шьынқәба 1977 шықәсазы иҩны ишьҭеиҵахьаз ауасиаҭшәҟәы. Уи иара иԥсрашьҭахь исаламшәҟәқәа, иусшәҟәқәа, имшынҵақәа аус рыдулара азин змоу арбоуп.
Акомиссиа алахәылацәа рыла деталла аус адулареи иааиуа изаамҭанытәиу аилатәараҿы инацҵаны алацәажәара зҭаху ажәалагалақәа ҟаҵан.
2027 шықәсазы иазгәарҭоит Аԥсны Жәлар рпоет Баграт Шьынқәба диижьҭеи 110-шықәса аҵра.
