Аҟәа. Жьҭаарамза 14, 2022 шықәса. Аԥсынпресс. Иахьа Аԥсныҟа иааит Урыстәылатәи ашәҟәтәы Еидгыла аделегациа.
Аҳәынҭқарра Ахада Аслан Бжьаниа Урыстәылатәи ашәҟәтәы Еидгыла Анапхгараҭара Ахантәаҩы Сергеи Степашин напхгара зиҭо аделегациа идикылеит. Аделегациа аилазаара иалоуп Апрезидент, Урыстәылатәи ашәҟәтәы Еидгыла Анапхгараҭара Ахантәаҩы Сергеи Степашин, Урыстәылатәи ашәҟәтәы Еидгыла Апрезидент Ихаҭыԥуаҩ, аусбаҩ Леонид Палько, Урыстәылатәи ашәҟәтәы Еидгыла Апрезидент Ихаҭыԥуаҩ Олег Новиков, Урыстәылатәи ашәҟәтәы Еидгыла Апрезидент иабжьгаҩ Виктор Косоуров, Иарку Акционертә Еилазаара «Интерфакс» адиректор Хада актәи ихаҭыԥуаҩ – анагӡаратә директор Гьаргь Гәлиа.
Аиԥылара далахәын Аԥсны иҟоу Урыстәыла Ацҳаражәҳәаҩ Михаил Шургалин.
Аҳәынҭқарра Ахада асасцәа бзиала шәаабеит ҳәа реиҳәеит.
Аиԥылара Аԥсны аганахьала иалахәын Аҳәынҭқарра Ахада Ихаҭыԥуаҩ Бадра Гәынба, Аҳәынҭқарра Ахада Иусбарҭа анапхгаҩы Џьансыхә Нанба, ашәарҭадара Ахеилак Амаӡаныҟәгаҩ Сергеи Шамба, акультура аминистр Даур Ақаҩба.
Аиԥылараҟны иалацәажәеит аԥсны-урыстәылатәи аизыҟазаашьақәа рыҿиареи рырӷәӷәареи рызҵаара агуманитартә усхк аҟны.
Аиԥылара аҿы Аԥсны акультура аминистр Даур Ақаҩбеи Урыстәылатәи ашәҟәтәы Еидгыла Анапхгараҭара Ахантәаҩы, Апрезидент ихаҭыԥуаҩ Леонид Палькои аусеицуразы аҩганктәи Аиқәшаҳаҭра рнапы аҵарҩит.
Аиԥылара ахыркәшамҭаз аганқәа агәаларшәагатә ҳамҭақәа еимырдеит.
