«Ауаажәларратә Палата амаӡаныҟәгаҩ Низам Хапати Ҭырқәтәыла иҟоу ҳдеаспореи ҳареи иҳабжьоу  аимадареи ирыбзоураны, ахәҭакахьала Низам иашьа Ахмет Хапат ибзоурала, иарбоу агуманитартә цхыраара аиагара алыршахеит.  Ахмет изныкымкәа Аԥсны имҩаԥысуаз агәыҳалалратә акциақәа ихы рылаирхәхахьеит», — ҳәа илҳәеит лара.

Агумаитартә цхыраара иалоуп ахәыҷқәеи адуцәеи рзы аӡынтәи аԥхамаҭәақәа – акурткақәеи асвитерқәеи.

«Агуманитартә еидара ахәҭак Нхыҵ Кавказҟа Аԥсны жәлар Рџьынџьтәылатәи еибашьра аветеранцәа рҭаацәа ирзышьҭхоит, аха ацхыраара аиҳарак Донецктәии Лугансктәии Жәлартә Республикақәа ирызкуп»,– ҳәа иазгәалҭеит Изольда Ҳагба.

Аԥсны иҟоу Донбасс ацхыраара аҭаразы Иаку аштаб анапхгаҩы Вадим Мироненко ари Донбасс ацхыраара аҭаразы Ҭырқәтәылантәи иаашьҭу ахԥатәи ацхыраара ауп ҳәа иазгәеиҭеит.

«Лаҵарамза, 2014 шықәса инаркны ҳара ҳаиҿкаареи Ауаажәларратә Палатеи ҿыц ишьақәгылаз арегионқәа активла ацхыраара рыҭара ҳалҳаршоит», – ҳәа иҳәеит Вадим Мироненко. Иара имҩаԥгаз аусуразы иҭабуп ҳәа иҳәеит, аидара лассы уи зҭаху ирызнагахоит ҳәагьы иазгәеиҭеит.

Ауаажәларратә гәыҳалалратә Фонд «Иаҳгәалашәоит» («Помним») анапхгаҩы ихаҭыԥуаҩ Лиалиа Чамагәуа убасҵәҟьа Ахмет Хапат иҭабуп ҳәа иалҳәеит Аԥсны жәлар Рџьынџьтәылатәи еибашьраҿы иҭахаз Нхыҵ Кавказынтәи хатәгәаԥхарауаа рҭаацәа рзы иаашьҭыз агуманитартә цхырааразы. Низам Хапат Аԥсны Ауаажәларратә Палатеи Ҭырқәтәыла иҟоу аԥсуа диаспореи ирыбжьоу аусеицура аринахысгьы иацҵахоит ҳәа инаҵшьны иазгәеиҭеит.