АЖӘАБЖЬҚӘА

28.Абҵара.2025

Аԥсны арепатриациа Афонд 2025 шықәсазы абиуџьет аиҭакрақәа алагалоуп.

Аҟәа. Абҵарамза 28, 2025 шықәса. Аԥсныпресс. Жәлар Реизара-Апарламент «Ареспублика Аԥсны арепатриациа Афонд 2025 шықәсазы абиуџьет азы» азакәан ахарџьқәа реиҭеизшара азԥхьагәазҭо аиҭакрақәа аланагалеит.

Аиҭеизшара иалҵшәаны:

  • аиҟәшеиҵа «Егьырҭ азеиԥшҳәынҭқарратә зҵаарақәа» ала ахарџьқәа Аԥсны атәылауаа иԥсабаратәымкәа ахәыҷы ацәа иаларшәара (ЭКО) апроцедура хәыда-ԥсада амҩаԥгараҿы ацхыраара рыҭаразы аҳәынҭқарратә харџьқәа рфинанстә еиқәыршәаразы 30 млн.мааҭ рҟынтәи  50 млн. мааҭ рҟынӡа ишьҭыхуп;
  • аиҟәшеиҵа «Аргылара» ала ахарџьқәа 120 млн. мааҭ рҟынтәи 105 млн. мааҭ рҟынӡа иларҟәуп;
  • аиҟәшеиҵа «Асоциалтә политика иадҳәалоу егьырҭ азҵаарақәа» ала ахарџьқәа 15 млн. мааҭ рҟынтәи 10 млн. мааҭ рҟынӡа иларҟәуп.

Афонд абиуџьет ахашәалахәқәеи аныхтәқәеи рзеиԥш хышәа-ҵышәа ишыҟац иаанхоит. Уи 385 млн. 130,1 нызықь мааҭ рҟынӡа инаӡоит.  

Азакәан апроект иацу аилыркаагатә шәҟәы ишарбоу ала, Афонд абиуџьет аиҭакрақәа ралагалара ахәҭаны иҟалеит иалкаау аҭагылазаашьақәак инарымаданы:

– иԥсабаратәымкәа ахәыҷы ацәа иаларшәара (ЭКО) апроцедура хәыда-ԥсада амҩаԥгараҿы ацхыраараразы иадҵаало рхыԥхьаӡара ацлара.  2025 шықәсазы аҳәынҭқарратә программа аҳәаақәа ирҭагӡаны иԥсабаратәымкәа ахәыҷы ацәа иаларшәара (ЭКО) апроцедура хәыда-ԥсада амҩаԥгараҿы ацхырааразы иадҵаалаз Аԥсны атәылауаа рхыԥхьаӡара акыр еиҳахеит. Азыҳәамҭақәа рхыԥхьаӡара ацлареи амедицинатә рбагақәеи ҳасаб азуны агәабзиара ахьчареи адемографиатә политика адгылара аҭареи рзы атәылауаа рконституциатә зинқәа  рынагӡаразы иарбоу апрограмма инацҵаны афинансыркра аҭахуп.  

– Аргыларатә усурақәа рзы ахарџьқәа ррационализациа.  Аргыларатә усмҩаԥгатәқәа рыпланқәеи ахарџьынҵақәеи реилыргара иалҵшәаны иарбоу аиҟәшеиҵа ахарџьқәа хәҭакахьала ррационализациа азы алшара цәырҵит, уи апрограммақәа рынагӡара иаԥырзагамкәа аԥаратә хархәагақәа рыхәҭак хадара злоу асоциалтә проектқәа рынагӡаразы рдәықәҵара (афинансыркра) алнаршоит.

– Анхарҭақәа рқьырахәыԥса ашәара азы ахарџьқәа реиҭеизшара. Қьырала анхарҭақәа ирыҩноу ахәыҷы рацәа змоу аҭаацәа ақьыразы акомпенсациа рыҭаразы аҭаххрақәа ранализ иарбоу ахырхарҭала 2025 шықәсазы афинансыркра иреиалу ашәагаа иазԥхьагәаҭаз аасҭа ишеиҵахо аанарԥшит. Аԥаратә хархәагақәа рыхәҭак еиҳа ииашахоит  еиҳа хархәара зауа асоциалтә программақәа рахь разырхара.


Read 136 times
Image
Image
Image
Image
Информационное Агентство "АПСНЫПРЕСС" (РГУ "АПСНЫМЕДИА") © 2025
Все права на любые материалы, опубликованные на сайте, защищены в соответствии с абхазским и международным законодательством об авторском праве и смежных правах. Использование любых аудио-, фото- и видеоматериалов, размещенных на сайте, допускается только с разрешения правообладателя и ссылкой на www.apsnypress.info.