Михаил Қриа иажәақәа рыла, азыҳәамҭа алаҵаразы аидеиа цәырҵит ахыбра аҭҵаара ашьҭахь: акоманда уи аиҭашьақәыргылара алашарбага аҵакыра азхьаԥшреи аҳабла ауааԥсыра рзы ауаажәларратә ҵакыра аԥҵареи алнаршар ауеит ҳәа алкаа ҟарҵеит.
Апроект ари аҭоурыхтә хыбра аконсервациеи анаҩс аиҭашьақәыргылареи азԥхьагәанаҭоит: ахыб, аԥенџьырқәа, аҩбатәи аихагыла аҩкаагақәа реиҭашьақәыргылара, акоммуникациақәа рнагареи аҩны иаԥну аҵакыра аиқәыршәазаареи.
Аиҭашьақәыргылара-ргыларатә усурақәа анхыркәшахалак ашьҭахь араҟа аҿар, астудентцәа, араион ауааԥсыра рзы ауаажәларратә ҵакыра аадыртуеит. Иазԥхьагәаҭоуп – ахыбра аҩныҵҟа ахәыҷәтәы екологиатә клуб аартреи еиуеиԥшым аҵарадырратәи акультуратәи аусмҩаԥгатәқәа рымҩаԥгареи.
Заанаҵтәи апроект аҿы иазԥхьагәаҭоуп актәи аихагыла аҿы коворкинг ҳәа изышьҭоу азеиԥш усуратә ҵакыра аартра, аҩбатәи аихагыла аҿы алекциатә зал, аха апроект анагӡара иалагӡаны апланыркра маҷк аҽаԥсахыргьы алшоит.
«Ҳара ҳақәгәыӷуеит, араҟа аҳабла ауааԥсыра рыдагьы ақалақь зегьы ауааԥсыреи рнаукатә, ркультуратә, рыԥсшьаратә аԥшьгарақәа ахьеидкылахо ҭыԥны иҟалоит ҳәа», — иазгәеиҭеит Михаил Қриа.
