Зынӡа аҳҭнықалақь ҳамҭас иарҭеит атроллеибусқәа 10, аха хыхь ишаҳҳәахьоу еиԥш, алогистикатә уадаҩрақәа ирыхҟьаны аӡынра анҵәамҭазы иаагахоит.
Уаанӡа аҳҭнықалақь ахада Ҭемыр Агрба иааиуа ашықәс азы ақалақь агәи аҳабла маҷқәеи еимаздо ажәытә троллеибустә маршрутқәа реиҭашьақәыргылара ишалаго азы адырра ҟаиҵахьан. Атранспорт ҿыц ипопулиару ахырхарҭақәа рылшареидара еиҳа армаҷра иацхраауеит, аҳҭнықалақь аҩныҵҟа аныҟәара еиҳа иарманшәалоит.
