«Амашьынақәа хԥа ҳшеит, актәи дәықәҵан Гәдоуҭаҟа, аҩбатәи — Аҟәаҟа, ахԥатәи – Очамчыраҟа. Гәдоуҭа иҟоу амашьына, Гәдоуҭатәии Гагратәии араионқәа ирыҵаркуеит. Аиԥш зеиԥшу аҭагылазаашьа Очамчырагьы иҟоуп», – ҳәа Аԥсныпресс иазеиҭеиҳәеит асоциалтә еиқәыршәареи адемографиатә политикеи рминистрра азинтә ҟәша аиҳабы Ромео Черқьезиа.

Асоциалтә транспорт аусура ианалага нахыс 90-нтәы ахархәара аиуит: 45-нтәы агәабзиара ашьақәыргыларҭа центрқәа рахь ицеит, 20-нтә– зылшара ԥку ахәыҷқәа рзы ашкол ахь, знык – аполиклиникахь, ҩынтә – авокзал ахь.

Асоциалтә такси уаԥхьар улшоит 0909 аномер ала. Амаҵзура ахә ахшәаатәӡам.

Апроект нагӡоуп «Аԥсны акоманда» абзоурала, уи ацхыраара арҭеит Нижнии Новгород анапхгареи Урыстәыла жәлар рфронти.