Лаҵарамза 12 рзы Аԥсни Адыгеиеи Жәлар рпоет, «Ахьӡ-Аԥша» аорден I аҩаӡара занашьоу Баграт Уасил-иԥа Шьынқәба диижьҭеи 109 шықәса ҵит (лаҵарамза 12, 1917 ш. - жәабранмза 25, 2004 ш.). Аҟәа, иара ихьӡ зху апарк аҿы имҩаԥысит ашәҟәыҩҩы иҳаҭгәын аҿы ашәҭшьыҵәрақәа рышьҭаҵара ацеремониа. Баграт Шьынқәба дыргәаладыршәарц инеит Аҳәынҭқарра Ахада Бадра Гәынба, уи ихаҭыԥуаҩ Беслан Бигәаа, аԥыза-министр Владимир Делба, аиҳабыра, арҿиаратәи аҭҵаарадырратәи интеллигенциа рхаҭарнакцәа, Аԥсны ашәҟәыҩҩцәа Реидгылеи ашәҟәыҩҩцәа Рассоциациеи рлахәылацәа, апоет иуацәа, ашколхәыҷкәа.
