Атәыла афинанстә документ хада аус адулара аетапқәеи аҿҳәарақәеи шьақәдыргылеит:

Ԥхынгәымза 15, 2026 шықәсанӡа, аекономика аминистрра аминистрцәа реилазаарахь аус адуланы инанашьҭыроуп 2027 шықәсазтәи Аԥсны асоциал-економикатә ҿиара азԥхьагәаҭа.

Жьҭаарамза 1, 2026 шықәсанӡа, афинансқәа рминистрра ихадоу ахышәарақәа ҳасаб рзуны 2027 шықәсазтәи ареспубликатә биуџьет арбага хадақәа шьақәнарӷәӷәароуп. Аԥхьаӡарақәа шьаҭас ироуеит аекономика аминистрра иҟанаҵо амакроекономикатә зыԥхьагәаҭара, иара убас аус зуа абиуџьеттә, ашәахтә, аҳазалхратә закәанԥҵара.

Иарбоу ақәҵара иааиуа афинанстә аамҭазы ареспублика абиуџьеттә политика ашьақәыргылара аофициалтә процесс хацнаркуеит.