Аҩбатәи аҭыԥ ааннакылеит Москватәи акоманда, ахԥатәи - Чечентәылатәи Ареспублика еизгоу акоманда.
 
Аицлабрақәа ирылахәын 300-ҩык инарзынаԥшуа Аԥсни Урыстәылатәи Афедерациа арегионқәеи рҟынтәи аспортсменцәа. Атурнир аҳамҭақәа рзы иқәԥон Москвеи Москватәи аобласти, Подольски, Серпуховеи, Краснодартәи атәылаҿацәи, Чечентәылатәи Ареспубликеи, Даӷьсҭан Ареспубликеи, Донецктәи Жәлар Рреспубликеи, Аԥсны Аҳәынҭқарреи рхаҭарнакцәа.
 
Атурнир мҩаԥысуан еиуеиԥшым ақәратә категориақәа ирыҵаркуа аспортсменцәа рыбжьара - 10-11 шықәса зхыҵуа аҷкәынцәеи аӡӷабцәеи инадыркны ахацәеи аҳәсеи рҟынӡа. Иара убасгьы аицлабрақәа рҳәаа иҭагӡаны имҩаԥысит 6-7, 8-9 шықәса зхыҵуа алахәылацәа рыбжьара ахәмарратә еиԥыларақәа.
 
«Гьаргь Аиааирагаҩ ихраҿа» аантәуп Аҟәа имҩаԥысуеижьҭеи.