Аԥсны ашәҟәыҩҩцәа Реидгыла ахантәаҩы Вахтанг Абҳазоу аллеиа Аԥсны алитературатә блахкыгарҭаны ишыҟало, уи аҭыԥантәи ауааԥсыра реиԥш аҳҭнықалақь асасцәагьы гәахәрыла ишаҭаало азы агәыӷра аарԥшит.
23.Ԥхынҷкәын.2022
АМИЛАҬТӘ БИБЛИОТЕКА АХЫБРА ААИГӘАРА АԤСУА ШӘҞӘЫҨҨЦӘА РГӘАЛАШӘАРА АҲАҬЫР АЗЫ АҴЛАҚӘА ЕИҬАРҲАИТ.
Аҟәа. Ԥхынҷкәынмза 23, 2022 шықәса. Аԥсныпресс. И. Папасқьыр ихьӡ зху Амилаҭтә Библиотека ахыбра азааигәара аԥсуа шәҟәыҩҩцәа Дырмит Гәлиа, Самсон Ҷанба, Ӡаӡ Дарсалиа, Иуа Коӷониа, Миха Лакрба, Мушьни Ҳашба, Иван Папасқьыр ргәалашәара аҳаҭыр азы аҵлақәа еиҭарҳаит .
Аллеиа аартра аԥсуа шәҟәыҩҩы Иван Папақьыр диижьҭеи 120- шықәса аҵра иамадахеит.
