Амцарцәаратә ҟәшеиҵақәа зегьы ихымԥадатәиу аинвентарь ала реиқәыршәара иааиԥмырҟьаӡакәа, Аԥсны Иҷыдоу аҭагылазаашьақәа рзы Аминистрра иазоужьу абиуџьеттә хархәагақәа рҳәаақәа ирҭагӡаны имҩаԥысуеит.
27.Мшаҧы.2023
Иҷыдоу аҭагылазаашьақәа рзы Аминистрра амцарцәаҩцәа рзы 100 комплектк инарзынаԥшуа аҷыдамаҭәақәеи аинструментқәеи аанахәеит.
Аҟәа. Мшаԥымза 27, 2023 шықәса. Аԥсныпресс. Иҷыдоу аҭагылазаашьақәа рзы Аминистрра амцарцәаҩцәа рзы 100 комплектк инарзынаԥшуа аҷыдамаҭәақәеи аинструментқәеи аанахәеит.
Иарбоу ахархәагақәа раахәаразы аԥара азоужьын аҳәынҭқарратә биуџьет аҟынтәи, ҳәа иаанацҳауеит Ахылаԥшырҭа апресс-маҵзура.
«Араионтә ҟәшеиҵақәа, ахәҭакахьала ироуеит акәалӡхылԥақәа, амагәқәа, анапхазқәа, акәалӡхылԥаҵаҵақәа, ашоуралшара змоу аматериал иалху амаҟақәа, иара убас амцарцәаратә еигәышәқәа. Аиқәырхаратә Хылаԥшырҭа анапхгаҩы иажәақәа рыла, иаахәаз амцарцәаратә ҟәшеиҵақәа русура аспециафика иадҳәалоу амаругақәа акыр иаҭахны иҟаз акакәын», - ҳәа иазгәаҭоуп ацҳамҭа аҿы.
