Бадра Гәынба Аҳәынҭқарра Ахада Аслан Бжьаниа инапынҵала аҳаирбаӷәаза ахь инагоу автомашьынатә мҩа аҿы имҩаԥысуа аусурақәа рцашьа гәеиҭеит.
Аҳәынҭқарра Ахада ихаҭыԥуаҩ Бадра Гунба шьаҭанкылатәи аргыларазы Аусбарҭа авиақалақь аҿы игылоу аҩнеихагылақәа рҿы инхо ауаа рзы ашәырахада аиҭашьақәыргылара ҟалаанӡа иҳәаарку арыцқьаратә шьақәгылақәа рыргалара азы адҵа аиҭеит.
Иара убас иарбоу апроект анагӡара иалаху аминистррақәеи ахылаԥшырҭақәеи адҵақәеи анапынҵақәеи рыҭахеит.
Бадра Гәынба иара убас ашьҭыԥраара-тәаратә цәаҳәа аҿы адемонтажтә усурақәа рцашьа гәеиҭеит.
Уи иара убас аҭакԥхықәра зду ауаа ирыдиҵеит апроект алахәылацәа зегьы русура ишахәҭоу еиԥш иҳәаақәҵазарц иарбоу аҿҳәара инақәыршәаны.
В.Г. Арӡынба ихьӡ зху Жәларбжьаратәи аҳаирбаӷәаза «Аҟәа» ареконструкциа аҳаирбаӷәаза «Аҟәа» аусуРа аиҭахацыркреи анаҩстәи ахархәареи рзы аинвестициатә проект аҳәаақәа ирҭагӡаны имҩаԥысуеит. Уи иазԥхьагәаҭоу апссаџьырцәа рхыԥхьаӡара аизҳара азы ихымԥадатәиу аушьҭратә лшара аиқәыршәара иазырхоуп.
