Аҟәа. Мшаԥымза 8, 2024 шықәса. Аԥсныпресс. Акоманда «Крылья Абхазии» амҵәышәмпыл азы аҳәса ркомандақәа рыбжьара ареспублика ачемпион ҳәа ахьӡ ранашьоуп. Афинал аҿы урҭ акоманда «РШВСМ» аҟынтәи амҵәышәмпыласыҩцәа асчиот 57:71 ала ириааит, ҳәа адырра ҟанаҵоит Аԥсны аҿари аспорти русқәа рзы Аҳәынҭқарратә Еилакы. Акоманда «Крылья Абхазии» ачемпионат раԥхьаӡа акәны иалахәын.
Аматч аҿы ахԥатәи аҭыԥ азы еицлабуан акомандақәа «Спартак 2», «Очамчыра». Аибарххара зныԥшуаз аиндаҭлара аҿы асчиот 50:54 ала аиааира ргеит аҟәатәи амҵәышәмпыласыҩцәа.
Ачемпионат хәажәкырамза 16 инаркны мшаԥымза 7 рҟынӡа Аԥсны ақалақьқәеи араионқәеи рҿы имҩаԥысуан. Аицлабрақәа ԥшь-турк рыла имҩаԥысит, анаҩс имҩаԥган афиналбжеи афинали. Атурнир зынӡа рхы аладырхәит аа-командак: «РШВСМ», «Крылья Абхазии», «Крылья Абхазии-2», «Гагра», «Спартак-2», «Спартак-3», «Новый Афон» и «Очамчыра».
Ачемпионат аӡбаҩ Хада – Николаи Гушьин.
Ачемпионат аиҿкааҩцәа – Аԥсны аҿари аспорти русқәа рзы Аҳәынҭқарратә Еилаки Аԥсны амҵәышәмпыл Афедерациеи.
