«Аха аус аҿы Ҭырқәтәылеи Урыстәылеи рыбжьара аԥареикәыршара иадҳәаланы ишьақәгылаз апроблема даҽа ӡбашьакгьы ыҟоуп. Ишдыру еиԥш, Аҩадатәи Кипр Ҭырқәтәылатәи Ареспубликеи Ареспублика Аԥсни  –«хәҭакахьала» иазхаҵоу ҩ-тәылак роуп. Аҩтәылакгьы Еиду Амилаҭқәа Реиҿкаара аҿы ахаҭарнакра рымаӡам, убри аҟнытә мраҭашәаратәи атәылақәа акыр шықәса рыҩныҵҟа арҭ атәылақәа аембарго ақәырҵоит. Ашәатәқәа рынагӡара алыршахоит ашәаратә система «Мир» ала Аԥсны урыстәылатәи аган ала иаԥҵаз «аҭыԥантәи» абанк, мамзаргьы Аҩадатәи Кипр аус зуа абанкқәа руак  аҿы», - ҳәа аҳәамҭа ҟаиҵеит Аинформациатә Маҵзура иаҿцәажәоз аналитик.

Уи иажәақәа рыла, акыр шықәса рыҩныҵҟа аекономикатә санкциақәа рыҵаҟа иҟоу арҭ аҩ-тәылак рзы абанктә ембарго азы ашәарҭара ыҟаӡам.

«Ҭырқәтәылантәи ииагахо аԥаратә хархәагақәа Аҩадатәи Кипр иҟоу абанк ахь ииагахоит, Урыстәылантәи аиагарақәа  – Аԥснытәи абанк ахь ииагахоит. Ашәаратә система «Мир» ахархәара ахьаиуо инамаданы, уи анҭыҵынтәи ацклаԥшра ҟалоит, абизнесменцәеи акоммерциатә еилазаарақәеи  рзы асанкциа аҵанакразы ашәарҭара ҟалаӡом», - ҳәа инаҵшьны иазгәеиҭеит иара.