Аконцерттә программа иалалеит: акамератә симфониа №9; Караван; аскрипка азы аоркестр зцу аконцерт; Рондо; Експромт; аԥсуа темақәа рыла попурри; аромансқәа.
09.Мшаҧы.2024
С. Ҷанба ихьӡ зху Аԥснытәи аҳәынҭқарратә драматә театр аҿы Пиотр Дмитри-иԥа Петров ииубилеитә концерт мҩаԥгахоит.
Аҟәа. Мшаԥымза 9, 2024 шықәса. Аԥсныпресс. Аԥсны Аҳәынҭқарра акомпозиторцәа Реидгыла алахәыла, Аԥсны зҽаԥсазтәыз артист Пиотр Дмитри-иԥа Петров ииубилеитә концерт мҩаԥгахоит мшаԥымза 18 рзы, С.Ҷанба ихьӡ зху Аԥснытәи аҳәынҭқарратә драматә театр аҿы.
Аҳәынҭқарратә камертә оркестр ала еиҿкаахо аиубилеитә концерт акомпозиор 75-шықәса ихыҵра иазкхоит. Аиубилеитә хәылԥазы рхы аладырхәраны иҟоуп акомпозитор Пиотр Петров ихаҭа, Артак Агаджаниан - атруба, Нана Черқьезиа - сопрано, Анастасиа Курочкина -флеита, Вера Ҳагба – аскрипка. Аиубилеитә хәылԥазы иалахәхоит иара убас Аҳәынҭқарратә камертә оркестр. Уи анапхгаҩыс дамоуп Адам Ҳагба.
