1943 шықәсазы  394-тәи  адивизиа 808-тәи ахысратә полк аилазаараҿы Краснодартәи ахырхарҭала деибашьуан.  Усть-Лабинск  агара азы ажәылараан ӷәӷәала дырхәит.  

Аџьынџьтәылатәи еибашьра Дуӡӡа активла алахәхареи аибашьрашьҭахьтәи аҭынч ԥсҭазаара ашьақәыргылареи рзы ианашьахеит Аџьынџьтәылатәи еибашьра  I, II аҩаӡара аорденқәа,  «Агәымшәаразы», «Аџьа азы», «Германиа аиааиразы», «Кавказ ахьчаразы» амедалқәа, иара убас «Ахьӡ-Аԥша» ІІІ аҩаӡара аорден,  15 иубилеитә ҳамҭақәа, Аԥсни Қырҭтәылеи Иреиҳаӡоу Асоветқәа Рыпризидиумқәа  рҟынтәи аҳаҭыртә шәҟәқәа хԥа.  

1992-1993 шш. Аԥсны жәлар Рџьынџьтәылатәи еибашьраан иара илшеит  90 % рҟынӡа Аԥснытәи аҳәынҭқарратә музеи аекспонатқәа ақырҭуа оккупантцәа рыла аимҵәара аҟынтәи реиқәырхара.   

Алеқсандр Ҭариа акыр шықәса инеиԥынкыланы Аԥснытәи аҳәынҭқарратә музеи аҿы аус иухьан.   Иара дравторуп ашәҟәқәа: «Схватка с «Эдельвейсом», «Книга памяти», «413 суток оккупации», «Абхазские соколы в небе», «Символ воинской доблести», уҳәа убас егьырҭгьы.