Иахьааҭгылаз аҭыԥқәа ируакуп акыршықәса раахыс аус зымуа ԥасатәи асасааирҭа «Абхазиа» ахыбра.

Ахыбра ахәаԥшраан ирылацәажәеит аамҭала иҟаҵатәу — адекоративтә фальш-фасад  ашьақәыргылара, аиҭашьақәыргылара иалагаанӡа аԥшаҳәа агәҭаны улахь иааиуа аҟаҵаразы. 

Анаҩс аделегациа аиахт-клуби аресторан «Амреи» иаҭааит.

Аклуби аресторани зтәу алахәыла Ношреван Чачба аекскурсиа мҩаԥго, аҭыԥ арҿиаразы игәҭакқәа ртәы рзеиҭеиҳәеит.

Иара убас аныҟәараан идырбан амшын аԥшаҳәа арҿыцразы аконцепциа.

Ҷыдала, аҭоурыхтә ӡыршә архитектуратә арлашага ацҵаны, аԥшаҳәа зегьы арлашара асистема аԥҵара ртәы иалацәажәеит. 

Аԥхьаҟа аԥшаҳәа хаҿрас иаиуа  — аҟәаа ирыӡбоит.