Адныҳәаларатә цҳамҭаҟны, ахәҭакахьала иазгәаҭоуп:
«Ҳаҭыр зқәу Алла Оҭар-иԥҳа! Гәык-ԥсыкала ишәыдысныҳәалоит шәиубилеи! Ари амш аҽны иҭабуп ҳәа шәасҳәарц сҭахуп аиашаӡбара амаҵзуреи иааизакны ҳтәыла аҿиареи рзы шықәсырацәала иаашәырԥшуаз зыҩаӡара ҳараку шәзанааҭдырреи шәус ламысцқьала азнеиреи рзы. Шәара аҭоурых аҿы шәаанхоит раԥхьаӡатәи аԥсуа ԥҳәыс ӡбаҩ шәакәны, насгьы Аԥсны Иреиҳаӡоу аӡбарҭа ахантәаҩы имаҵураҭыԥ иахагылаз раԥхьаӡатәи аԥҳәыс шәакәны. Азинӡбара аусбарҭақәа рҿы акыршықәсатәи шәусура иалагӡаны Шәара шәыжәлар рҿаԥхьа хьӡи-ԥшеи шәырҳаит шәзанааҭ аҿы иаашәырԥшыз аихьӡара дуқәеи адырра ҳаракқәеи ирыбзоураны. Шәара шәзанааҭтә усуралеи шәҟәышреи шәыхарахәыцреи шәиашареи ирыбзоураны Аԥсны иҿыцӡоу аҭоурых аҿы шәышьҭра ӷәӷәа ааншәыжьит.
Ҳаҭыр зқәу Алла Оҭар-иԥҳа, ишәзеиӷьасшьоит агәабзиара, аизҳазыӷьара, ахирра, ишәзааигәоу рыгәҭа аԥсуа ишықәснҵыра ду».
