Урҭ ацәыргақәҵаҟны аибашьратә карикатурақәеи ашаржқәеи рыла ишьақәгылаз аҭыӡқәа ирыхәаԥшит. Арҭ аусумҭақәа аибашьра ашықәсқәа раан идеологиатә абџьарҵас иҟан. Урҭ Аԥсны актәи Ахада Владислав Арӡынба иаԥиҵаз апропагандеи агитациеи рыҟәшаҟны аԥсуа сахьаҭыхҩцәа иаԥырҵон.
Гәдоуҭатәи амузеи аҟны зынӡа иҵәахуп 60 инареиҳаны карикатуреи шаржи.
Аҳәынҭқарра Ахада Бадра Гәынба ас еиԥш ацәыргақәҵақәа аибашьратә хҭысқәеи Аԥсны жәлар иаадырԥшыз афырхаҵареи рхамыршҭра ишацхраауа, урҭ аԥхьаҟатәи абиԥарақәа рзы аҵак ду шрымоу инаҵшьны иазгәеиҭеит.
