Ари асериа аҿы абанкнота зегьы иреиҳау аноминал амоуп – 500 ԥсар, уи Аԥсны Раԥхьатәи Ахада Владислав Арӡынба изкуп.   

Беслан Бараҭелиа инаҵшьны иазгәеиҭеит иааиуа ашықәс азы быжь-номиналк рыла зыдгалара мҩаԥгоу абанкнотқәа раԥхьатәи асериа  аҭыжьра шхыркәшахо, абанк аемиссиа ахыркәшаразы аҳәамҭа шыҟанаҵо, избан акәзар, Аԥсны азакәанԥҵара инацҵаны аемиссиа амҩаԥгара азин ҟанаҵаӡом.   

«Иҟалоит егьырҭ асериақәа рҭыжьра, аха иҟоу инацҵаны ркьыԥхьра ҟалаӡом», – ҳәа иҳәеит Беслан Бараҭелиа.

Аԥсны Амилаҭтә Банк ахантәаҩы абанкнотқәа раԥхьатәи асериа аемиссиа азы алаҳәара шыҟалалак еиԥшҵәҟьа урҭ рыхәԥсақәа акыр иазҳар алшоит ҳәа агәаанагара имоуп.

Шьҭарнахыс иарбоу абанкнотқәа раахәара алшоит мацара аколлекционерцәа рыҟны, мамзаргьы уаанӡа урҭ аазхәахьаз ауаа рыҟны», - ҳәа иҳәеит Беслан Багаҭелиа.