Аусурақәа иаҵанакуеит ахаҳәцәы ҿыц ашьҭаҵара, абаҟа апостамент ҳаамҭа иақәшәо аграниттә чаԥара ала аиҭашьақәыргылара, иара убас абираҟшьаҟақәа рышьақәыргылара.
Ҷыдала ахшыҩзышьҭра аҭахоит ариаҵәара азҵаара: аԥсаҵлақәа реиҭаҳарала асквер аҳауа азҩыдатәра иацхраауеит, аԥсшьараамҭа ахгара арманшәалоит.
Аусурақәа рҿаҵаҩы аҳасабала иқәгылоит Нижни Новгород аҟынтәи Автономтә Икоммерциатәым Аиҿкаара «Ақалақьтә ҵакыра аиқәырхареи арҿиареи рзы Амаҵзура» («Агентство по сохранению и развитию городской среды»).
Апроект анагӡара азԥхьагәаҭоуп 2025-тәи ашықәс хыркәшахаанӡа. Ирҿыцу асквер агәалашәареи агәадуреи ирҭыԥны мацара адагьы, иманшәалоу, ишәарҭадоу аҵакыраны иҟалоит. Апроект анагӡара мҩаԥысуеит Аҟәеи Нижни Новгороди рыбжьара аиашьаратә еизыҟазаашьақәа рзы аиқәшаҳаҭра аҳәаақәа ирҭагӡаны.
