Амаҵзура аиҭарҿиаразы Аусԥҟа инапы аҵаиҩит Аҳәынҭқарра Ахада Бадра Гәынба. Аиҭарҿиара инормативтә зинтә актқәа «Аимадаразы» Аԥсны Аҳәынҭқарра азакәан амшьашәалара иазырхоуп.
Амаҵзура аусура иацҵахоит ихымԥадатәиу аиҿкааратәи акадртәи аиҭакрақәа зегьы хыркәшахаанӡа.
2025 шықәса мшаԥымза 18 аҟнытә Аԥсны Аҳәынҭқарра Ахада Иусԥҟала ишьақәырӷәӷәоу Аԥсны Аҳәынҭқарра Аминистрцәа реилазаара ашьақәгылашьа аԥсахрақәа алагалатәуп аилазаара IV аҟәша харҭәааны абри аҵакы змоу апункт 10 ала: «10) Аиҳабыратә еимадара аусбарҭа».
Аԥсны Аҳәынҭқарра Аминистрцәа реилазаара иалнаршароуп Аиҳабыратә еимадара аусбарҭа азинмчқәа рышьақәыргылара.
Аԥсны Аҳәынҭқарра аминистрцәа Реилазаара Аиҳабыратә еимадара аусбарҭазы Аԥҟара анышьақәнарӷәӷәа инаркны амч рцәыӡит ҳәа иазхаҵоуп:
1999 шықәса абҵарамза 18 аҟнытә «Аиҳабыратә еимадара аусбарҭазы» Аԥҟара ашьақәырӷәӷәареи Аиҳабыратә еимадара аусбарҭазы аштаттә еихшанҵеи рзы» Аԥсны Аҳәынҭқарра Ахада Иусԥҟа.
