Асеминарқәа мҩаԥыргалоит Аԥснытәи аҳәынҭқарратә Университет, Армавиртәи аҳәынҭқарратә арҵаҩратә Университети Нхыҵ-Кавказтәи афедералтә Университети рхаҭарнакцәа, ҳәа адырра ҟанаҵоит ареспублика аҵара Аминистрра апресс-маҵзура.

Акурсқәа раартра иазкыз аусмҩаԥгатә рхы аладырхәит аҵара аминистр Хана Гәынбеи аминистрра ахаҭарнакцәеи.

Лықәгылараҿы аҵара аминистр Хана Гәынба еизаз зегьы аҵаратә усмҩаԥгатә алагалара рыдылныҳәалеит, иара убас урыстәылатәи аҵараиурҭақәа рҟынтәи лколлегацәа Аԥсны аҵара Аминистрреи атәыла арҵаҩратә еилазаара зегьи рыхьӡала иҭабуп ҳәа ралҳәеит иҟарҵаз адгылара азы.