Сынтәа Аԥсны апрокуратура Хада Урыстәылатәи Афедерациа апрокуратура Хада аус ацура аҳәаақәа ирҭагӡаны, акоррупциа аҿыгыларазы Ихьыԥшым Аҳәынҭқаррақәа Реиҩызара Аҳәынҭқаррабжьаратәи ахеилак ахылаԥшрала Аԥсны ахаҭарнакцәа асоциалтә акоррупциаҿагыларатә ӡырга иазку жәларбжьаратәи аҿартә конкурс «Еицны акоррупциа аҿагылара!» алахәхара еиҿнакааит».
Аконкурс 45 тәыла рҟынтәи алахәылацәа еиднакылеит, урҭ 30 нызықь инареиҳаны аусумҭақәа ӡырыргеит. Аусумҭақәа ахәшьара анаҭон жәларбжьаратәи акомиссиа. Акомиссиа аилазаараҿы дыҟан Ареспублика Аԥсны апрокуратура Хада азини акоррупциа аҿагылараҿы азакәанԥҵара анагӡара ахылаԥшреи Русбарҭа аиҳабы Зарина Соблирова.
Аконкурс аихшьаалақәа рыла, Урыстәылатәи Афедерациа апрокурор Хада игалереиа аҿы ицәыргоуп иреиӷьу апроектқәа 10. Урҭ рхыԥхьаӡараҿы иҟоуп — Аԥснытәи Аҳәынҭқарратә Университетет аҟазара афакультет 4 акурс астудентка Рафида Хьынҭәба дусумҭагьы, ҳәа адыра ҟанаҵоит Аԥсны апрокуратура Хада апресс-маҵзура.
Жәларбжьаратәи акоррупциа аҿагылара Амш ауаажәларра еиуеиԥшым аҩаӡарақәа рҿы акоррупциа аҿагыларазы активла аусура шаҭаху ҳгәаланаршәоит. Аԥсны Апркуратура Хада «Акоррупциа аҿагыларазы» Ареспублика Аԥсны Азакәан инақәыршәаны акоррупциатә хымҩаԥгашьа азымчҳара шьақәзыргыло ашьаҿақәа рыҟаҵарала ари аус адгылара анаҭоит.
