Астудиа «Сара Саамҭа» иазкны.
Аҟазарҭа аус ауеижьҭеи абар шьҭа 10 шықәса ҵуеит. Уи аԥҵаҩы арежиссиор Нара Ԥлиа хыдҵас иқәлыргылоит ахәыҷқәа актиортә ҟазара азы разыҟаҵара анаҩсгьы урҭ рестетикатә гьама арҿиареи ирҳәо ажәақәа зегьы ҭакԥхықәрала рызнеишьеи.
Астудиа «Сара Саамҭа» ҳәа ахьӡ амоуп. Нара Ԥлиа ишазгшәалҭо ала, уи аҽазыҟаҵара иаҵоу афилософиа иадҳәалоуп:
«Дарбанызаалак ахәыҷы идыруазароуп, иныруазароуп аҟазарҭа аҿы ихигаз аамҭа иара ишитәу. Уи сара рҵаҩык иаҳасабала саамҭа акәӡам, уи аҵаҩцәа доусы раамҭа ауп, уи хымԥада аԥшӡареи ииашоу аҵаки рыла игәылҭәаазароуп».
Аусура ашықәсқәа ирылагӡаны астудиа хыԥхьаӡара рацәала ааӡамҭацәа аунажьит, аӡәырҩы рзы ари аԥышәа хаҭала рырҿиаразы акыр зҵазкуа етапны иҟалеит.
