Нарҭ Ломиа 2012 шықәсазы Аладатәи Афедералтә университет далгеит «азиндырра» азанааҭ ала. 2015 шықәса раахыс апрокуратура аусбарҭақәа рҿы еиуеиԥшым амаҵурақәа ныҟәигон, 2021 шықәса раахыс Аԥсны Апрокуратура хада аӡбаратә усбарҭа апрокурор еиҳабыс дыҟан.

Аида Барцыцԥҳа — Аҟәатәи араионтә ӡбарҭа аӡбаҩс далхуп. Адепутатцәа уи лкандидатуразы еицҿакны рыбжьы арҭеит.

Аида Барцыцԥҳа 2006 шықәсазы «азиндырра амагистр» ҳәа аҵаратә-ҩаӡара лоуит Москватәи ҳаамҭазтәи агуманитартә академиаҿы, 2006 шықәса раахыс Аида Барцыцԥҳа — Аԥсны адукатцәа Рпалата далахәылан, 2021 шықәса раахыс Апалата аревизиатә комиссиа напхгара алҭоит.