Ҳара ҳзы насыԥ духеит иналукааша аԥснытәи аполитикатә усзуҩ Нестор Лакоба Иҭоурых-мемориалтә музеи ацхыраара аҭара. Иарбоу аԥаратә хархәагақәа аекспозициа аиҭашьақәыргылара, астедқәа рыҟаҵара, адемострациатә еиқәыршәагақәа раахәара иазырхахоит. Ари акыр зҵазкуа шьаҿоуп Аԥсны акультуратә ҭынха аиҭарҿиара, аиҩызаратә еизыҟазаашьақәеи аилибакаареи рырҿиареи рырӷәӷәареи аус азы», – ҳәа иҳәеит Урыстәыла Аҳәынҭцирк адиректор Хада Сергеи Белиаков.
Аԥсны акультура аминиср Даур Ақаҩба Урыстәыла акультура Аминистрреи Аҳәынҭцирки иҟарҵаз адгыларазы иҭабуп ҳәа иҳәеит.
Нестор Лакоба Иҭоурых-мемориалтә музеи 1983 шықәсазы Аҟәа, аҭуџьар Босҭанџьогло иҭоурыхтә хазҩнду аҿы иаартын. 1992 – 1993 шш. Аԥсны жәлар Рџьынџьтәылатәи еибашьраан ари ахыбра ӷәӷәала ааха аиуит. Ахыбра еиҭашьақәыргылан 2023 шықәсазы, аха уи макьаназы аус ауӡом. Хара имгакәа амузеи аҩнымаҭәеи ацәыргақәҵатә маҭәахәқәеи рыла еиқәыршәахоит.
