Афильм аҿы еиҭаҳәоуп урҭ аԥышәара ишахысуа, ашәара ишаиааиуа, рхьаа зхьаау рҩызцәа рҿы ацхыраара шырыԥшаауа. Апроект аус адырулон «Академиа кино», иара убасгьы Ҭаҭарсҭан афицарцәа рыҳәсақәеи рфотографцәеи реидгылақәа.
Ацәыргақәҵа «Афырхацәа рыҳәса» аусмҩаԥгатә ханарҭәааит. Уи еиднакылеит аруаа ранацәа, рыҳәса, рыԥҳацәа рфотоқәа, рысалам шәҟәқәа. Арҭ асалам шәҟәқәа рҿы авторцәа рцәаныррақәа аадырԥшуеит, ахачҳареи агәыӷреи рыӡбахә рҳәоит.
Ахәаԥшцәа бзиала шәаабеит ҳәа раҳәо, Россотрудничество аусзуҩы Наталиа Каиун иазгәалҭеит, ас еиԥш иҟоу апроектқәа атыл иамоу ахә ашьара ишҳацхраауа.
Аусмҩаԥгатә аиҿкаара ахахьы иагеит Аԥсны иҟоу Россотрудничество ахаҭарнакра.
