11.Жәабран.2026
Аԥсны Ахада Бадра Гәынба Тҟәарчал араион ахада Исидор Дочиа инапынҵақәа рҟынтәи ихы дақәиҭитәит
Аԥсны Ахада Бадра Гәынба Тҟәарчал араион ахада Исидор Дочиа изинмчхара аҿҳәара ахьынҵәаз инамаданы инапынҵақәа рҟынтәи ихы иақәиҭтәразы Аусԥҟа инапы аҵаиҩит.
Атәыла Ахада инапы зҵаиҩыз Аусԥҟна инақәыршәаны Тҟәарчал араион ахада инапынҵақәа рынагӡаҩыс дҟаҵоуп Каҷараа Герман.
Каҷараа Герман Виачеслав-иԥа диит жәабранмза 1, 1993 шықәсазы, Тҟәарчал ақалақь аҿы.
2010 шықәсазы далгеит Б.У. Шьынқәба ихьӡ зху Тҟәарчалтәи абжьаратә школ.
2010 шықәса инаркны 2015 шықәсанӡа аҵара иҵон ААУ, агронџьныртә факультет аҿы, «Афымцамчхара»азанааҭ ала.
Данстудентыз, 2013 шықәсазы Аунитартә наплакы «Амшынеиқәафымцамч» Тҟәарчалтәи афилиал аҿы аусура далагеит.
Қәҿиарала иҵара анхиркәша, Аԥснытәи Арбџьармчқәа рҿы дахысуан аррамаҵзура. Алеитенант ԥхьатәа ичын иманы имаҵура хиркәшоит.
2017 шықәса Аунитартә наплакы «Амшынеиқәафымцамч» аҟны анџьныр-диспетчер имаҵураҭыԥ аҿы аусура далагеит.
2019 шықәса инаркны 2022 шықәсанӡа Аунитартә наплакы «Амшынеиқәафымцамч» Тҟәарчалтәи афилиал аҿы анапхгаҩы ихаҭыԥуаҩыс дыҟан.
2022 шықәса инаркны иахьанӡа Аԥсны Жәлар Реизараҿы ддепутатуп. Жәлар Реизараҿы аекономикеи аполитикеи, ареформақәеи, аинформациатә технологиақәеи, акультуреи, аҿар русқәеи, аспорти ирызку аилакқәа дрылахәуп.
