Аҟәа. Лаҵарамза 4, 2023 шықәса. Аԥсныпресс. Аԥсны Аҳәынҭқарра Арратә ӡбарҭа Давид Ахьиба ҩымз аҭакрала ихьырхәра азы аӡбамҭа аднакылеит, ҳәа адырра ҟанаҵоит апрокуратура Хада аофициалтә саит.
Уаанӡа иҟаз адыррақәа рыла, мшаԥымза 29, 2023 шықәсазы Гагра араион Алаҳаӡы ақыҭан иҟалаз Марганиа Џьеро Омар-иԥа гәҭакыла ишьра афакт ала Гагра араион апрокуратура ала иара убри аҽныҵәҟьа, мшаԥымза 29 рзы аусеилыргара хацнаркит.
Мшаԥымза 30, 2023 шықәсазы ауаҩшьраҿы дыгәҩароуп ҳәа даанкылан Аԥсны аҳәынҭқарратә шәарҭадара Амаҵзура «Цандрыԥшь» аҳәаахьчаратә арратә гәыԥ аҿы аконтракт ала арратә маҵзура иахысуаз, апрапоршьчик Ахьиба Давид Асҭамыр-иԥа.
Ари ашьаусеилыргара иадҵоуп Аԥсны Арратә прокуратура.
