«Арратә уалԥшьеи арратә маҵзуреи рзы» Азакәан инақәыршәаны, Аԥсны Арбџьармчқәа: атәылахьчара Аминистрра, Аҳә́ынҭқарратә шәарҭадара Амаҵзура, Иҷыдоу азкызаара змоу Амобилтә отриад (ОМОН), аҩныҵҟатәи аусқәа Рминистрра, Аҳәынҭқарратә хьчара Амаҵзура, анапхгаратә еимадара Агентра, Аҳәынҭқарратә миграциатә Маҵзура, Иҷыдоу аҭагылазаашьақәа рзы Аминистрра, иара убас арратә аамҭа азы иаԥырҵо иҷыдоу аиҿкаарақәеи аусбарҭақәеи, уҳәа рҿы Аԥсны атәылауаа инарыгӡо арратә маҵзура иҷыдоу ахкы змоу аҳәынҭқарратә маҵзура иаҵанакуеит.
«Аԥсны Аҳәынҭқарра абиуџьетнҭыҵтәи асоциалтә фондқәа рахь абгаԥсатә лагалақәеи ашәатәқәеи рзы» Азакәан ахәҭаҷ 6 «Арратә уалԥшьеи арратә маҵзуреи рзы» Азакәан аҿы еиқәыԥхьаӡоу Аԥсны Аҳә́ынҭқарра Арбџьармчқәа армаҵурауаа зегьы рԥаратә џьаԥса аҟынтәи абгаԥсатә лагалақәа ршәара азԥхьагәанаҭаӡом».
Иарбоу азакәан апроект адкыларазы рыбжьы арҭеит 19-ҩык адепутатцәа, мап ркит – фҩык, ҩыџьа абжьыҭира рҽаладмыхәӡеит.
