Аганқәа рылацәажәеит ахәыҷқәа рыԥсшьареи ргәабзиара ашьақәыргылареи ирызку аиҿкааратә усқәа. «Даараӡа ибзиан Аԥсны еиҿкаазар ӡынгьы ԥхынгьы алагер, шәара шәтәылаҟны иҟоу изҩыдоу аҳауатә ҭагылазаашьа уи алнаршоит», - ҳәа иҳәеит Андреи Белианинов.
Аслан Бжьаниа иҳәеит атәыла анапхгара ас еиԥш аҭынчреи арҿиареи ирзырхоу аԥшьгарақәа змоу аиҿкаарақәа аус рыцура ишазхиоу.
Андреи Белианинов Аҳәынҭқарра Ахада иҭабуп ҳәа еиҳәеит аԥхарра зцыз аиԥыларазы, иара убас, иара иажәақәа рыла иаҳҳәозар, евразиатәи аконтинет атәылақәеи ажәларқәеи реимадара арӷәӷәаразы жәларбжьаратәи ҭыԥны иҟоу Евразиа ажәларқәа Рассамблеиа аԥшьгарақәа адгылара ахьриҭо азы.
Аиԥылара далахәын Гал араион Администрациа Ахада Константин Ԥлиа.
