Иарку агәыԥ алахәылацәа зықәра наӡам ахәыҷы реилазаара иалагалара хықәкыс иҟаҵаны анонимла аҭел асра идыргалеит. Агәыԥ алахәылацәа азин еилазго ауснагӡатә амҩаԥгара даларгалеит.
Анонимла аҭелла асреи ахыбра аевокуациеи аоперативтә маҵзурақәа аҭыԥ ахь рнеиреи ашьҭахь, ацәгьоура ҟазҵаз авидеоҭыхымҭа ҟаҵаны иус аҳасабырба аҳасабала иарбоу агәыԥ ахь ишьҭит.
Иарбоу афакт ала уажәы Аԥсны Ашьаустә Закәанеидкыла ахәҭаҷ 201 иазԥхьагәанаҭо ацәгьоура «идырны атерроризм акт азы имцырку адырра аҟаҵара» ала ашьаусеилыргара ахацыркразы аматериалқәа реизгара мҩаԥысуеит.
Иарбоу агәыԥ амодераторцәа ахьыҟоу аҭыԥ ашьақәыргыларазы аоператив-ԥшааратә уснагӡатәқәа ирыцҵоуп.
Аҳәынҭқарратә шәарҭадара Амаҵзура аҿы ишазгәарҭаз ала, ас еиԥш аинтернет-атакақәа рхықәкы хаданы иҟоуп – ахәыҷқәеи ахбыџқәеи рнапала, урҭ ргәызианреи ахьыԥшымзаареи аҽышьқәырӷәӷәареи рашьҭазаареи рхы иархәыны, еиҳа иуадаҩу ацәгьоурақәа рыҟаҵара.
Аҳәынҭқарратә шәарҭадара Амаҵзура аҭаацәеи азеиԥҵараиурҭақәа рырҵаҩцәеи рахь еиҳа агәҽанызаара аадырԥшларц, ахәыҷқәа активла асоциалтә ҳақәа рхархәара ҷыдала ахшыҩзышьҭара арҭаларц, иара убас аҿар рыбжьара аилыркааратә усура мҩаԥыргаларц азы ааԥхьара ҟанаҵоит.
