Изакәанымкәа акриптаферма аус арура афакт аганахьала агәаҭарақәа мҩаԥысуеит, ашәҟәынҵа еиқәыршәоуп, ҳәа адырра ҟанаҵоит Гәдоуҭа араион Ахадара аофициалтә саит.
07.Жәабран.2024
Лыхны ақыҭан 57 цыра амаининг аппаратқәа ԥшааны ирымырхит.
Аҟәа. Жәабранмза 7, 2024 шықәса. Аԥсныпресс. Гәдоуҭа араион аҩныҵҟатәи аусқәа Рыҟәшеи аҳәынҭқарратә шәарҭадара Амаҵзура араионтә ҟәшеи русзуҩцәа Лыхны ақыҭан 57 цыра амаининг аппаратқәа ԥшааны ирымырхит.
Имҩаԥгаз аоператив-ԥшааратә усура иалҵшәаны дшьақәыргылан изакәанымкәа аус зуаз ари акриптаферама зтәыз. Аппаратқәа афымцацәаҳәақәа рҟынтәи иаҿыхны араион аҩныҵҟатәи аусқәа Рыҟәша ахь аамҭала ашьҭаҵаразы инагоуп.
