2023 шықәса аҩныҵҟа иҟаҵаз аҳазалхратә шәатәқәа реицҵалыҵ 2 млрд. 847,1 млн. мааҭ рыла ишьақәырӷәӷәаз аплан аан 3 млрд. 672,7 млн. мааҭ рҟынӡа инаӡеит. Иазԥхьагәаҭаз арбага 825,6 млн. мааҭ рыла инамыцхәны инагӡахеит, аплан акәзар – 129% рыла инагӡоуп.
Аҳәынҭқарратә ҳазалхратә Еилакы азинхьчаратә ҟәшеиҵақәа рыла иҳаҩсыз ашықәс азы иаарԥшын 230 административтә зинеилагарақәа. Ихацыркыз ашьаусеилыргарақәа реихшьаалақәа рыла административтә хараԥсақәа раҳасабала ареспубликатә биуџьет иалагалаз ашәатәқәа реицҵалыҵ 6 млн. 560 нызықьи 338 мааҭ рҟынӡа инаӡоит.
