Items filtered by date: Аԥшьаша, 12 Рашәара 2025

Аҟәа. Рашәарамза 12, 2025 шықәса. Аԥсныпресс. Урыстәыла амш – есышықәса рашәара 12 азы иазгәарҭуа аҳәынҭқарратә ныҳәамшуп. 1990 шықәсазы ари амш аҽны Урыстәыла аҳәынҭқарратә суверенитет азы адекларациа рыдыркылеит.

Аԥсны иҟоу Урыстәылатәи Афедерациа Ацҳаражәҳәарҭа аҿы Урыстәыла Амш азгәаҭара инамаданы аныҳәатә дкылара мҩаԥыргеит.  

Аныҳәатә усмҩаԥгатә иаҭааит Аҳәынҭқарра Ахада Бадра Гәынба, атәыла аԥыза-министр Владимир Делба, Жәлар Реизара-Апарламент Аиҳабы Лаша Ашәба, Апарламент адепутатцәа, атәыла Анапхгара алахәылацәа, ауаажәларра рхаҭарнакцәа, ажурналистцәа.

Аҟәа. Рашәарамза 12, 2025 шықәса. Аԥсныпресс. Ажәҩан аҵаҟа аҳәынҭқарратә аҭоурых-архитектуратә музеи-ҳәырԥсарра «Аҟәатәи абаа» официалла аартра ԥхынгәымза 1 азы иазԥхьагәаҭоуп. Абри азы адырра ҟаиҵеит амузеи адиректор Аинар Инал-иԥа.  

Уи иажәақәа рыла, ажәҩан аҵаҟа иаарту амузеи аконцепциа анаукатәи атурисстәи аусура ахырхарҭақәа рыла ишьақәгылоуп.  Уи иҟаиҵаз адыррақәа рыла, иарбоу аҵакыра аиқәыршәаара иазку аусурақәа шықәсыки бжаки ицон:

Аҟәа. Рашәарамза 12, 2025 шықәса. Аԥсныпресс. Аҩныҵҟатәи аусқәа Рминистрра анаркотикатә маҭәашьарқәа реикәыршара ахылаԥшра аҭаразы Аусбарҭеи Аҳәынҭқарратә шәарҭадара Амаҵзуреи русзуҩцәа аоператив-ԥшааратә усмҩаԥгатәқәа рымҩаԥгараан дааныркылеит Аԥсны арҩашьыгатә маҭәашьарқәа алалырҵәон ҳәа гәҩарас ирымаз 1984 шықәсазы ииз, Красноиарс ақалақь аҿы инхо аԥҳәыс. Абри азы адырра ҟанаҵоит Аԥсны аҩныҵҟатәи аусқәа Рминистрра апресс-маҵзура.

Аҟәа. Рашәарамза 12, 2025 шықәса. Аԥсныпресс. Аԥсны аԥыза-министр Владимир Делба Урыстәылатәи Афедерациа Анапхгара ахантәаҩы Михаил Мишустин Урыстәыла Амшныҳәа идиныҳәалеит.

Адныҳәалараҿы иазгәаҭоуп: «Ҳаҭыр зқәу Михаил Владимир-иԥа, ишәыдысныҳәалоит аҳәынҭқарратә ныҳәа ду – Урыстәыла Амш.

Ари амш идуӡӡоу аҭоурыхтәии акультуратәи аҭынхала, ашәышықәсақәа иргәылганы иаарго атрадициа шьақәқәеи ихьӡырҳәагоу Аԥсадгьыл ахьчаҩцәа рфырхаҵареи ргәымшәареи  рыла еидкылоу Урыстәыла ажәларқәа ракзаара символра азнауеит.

Аҟәа. Рашәарамза 12, 2025 шықәса. Аԥсныпресс. Рашәарамза 10-11 рзы Аҳәынҭқарратә ҳазалхратә еилакы аусзуҩцәа Цандрыԥшь, Гагра, Аҟәа Аԥсны иахьаҵанакуа зыҭира ҟамло аелектронтә сигареҭқәа раарԥшра хықкыс иҟаҵаны апрофилактикатә реидқәа мҩаԥыргеит ҳәа иаанацҳауеит Аилак апресс-маҵзура.

Рашәарамза 10 рзы Цандрыԥшь аҳаблаҿы иҟоу адәқьан «Минимаркет» (ХА Тиувелева Е.А.)  агәаҭараан иаарԥшын Аԥсныҟа заагареи зыҭиреи ҟамло аелектронтә сигареҭқәа «Higs Hugo 1500» хәба.

Рашәарамза 11 рзы адәқьан «Восточные сладости» (ХА Закариан Р. Р.) агәаҭараан ирыԥшааит аелектронтә сигареҭқәа, урҭ рзы акатриџьқәа, иара убас асигареҭқәа ирҭарҭәо аӡшьар, зынӡа 76 цыра.

Аҟәа. Рашәарамза 12, 2025 шықәса. Аԥсныпресс. Казань ақалақь аҿы имҩаԥысуа аҵара аминистрцәа III Жәларбжьаратәи Афорум аҳәаақәа ирҭагӡаны Урыстәылеи Аԥсни аҵара аминистрцәа Сергеи Кравцови Хана Гәынбеи русуратә еиԥылара мҩаԥысит.

Аганқәа аҵарадырра ахырхарҭала русеицура иалацәажәеит.

«Апартниортә еизыҟазаашьақәа рырӷәӷәареи ихадоу ахырхарҭақәа рыла аусеицура   аҳәаақәа рырҭбаареи рзы ҳазҭоу ашықәс жәабранмзазы ҳхылаԥшырҭақәа рыбжьара аусеицуразы амеморандуми 2025 шықәсазы еицырзеиԥшу аусмҩаԥгатәқәа рыплани ҳнапы раҵаҳҩит. Ҳара иарбоу аплан анагӡаразы активла аусура ҳалагахьеит. Сара ишьақәсырӷәӷәоит иҳабжьаҳҵаз аиқәшаҳаҭрақәа рынагӡара мацара акәымкәа, урҭ рырҿиарагьы ҳшазхиоу. Ҳара аҵарадырра аусхкқәа зегьы рҿы акыршықәсалатәи аусеицуразы ҳаартуп», - ҳәа инаҵгьны иазгәеиҭеит Сергеи Кравцов.

Аҟәа. Рашәарамза 12, 2025 шықәса. Аԥсныпресс. Жәларбжьаратәи атуристтә форум «Путешествуй!» зхы алазырхәуа  Аԥсны атуризм аминистр Асҭамыр Логәуа Урыстәыла  аекономикатә ҿиара аминистр ихаҭыԥуаҩ Дмитри Вахруков диԥылеит.

Аҟәа. Рашәарамза 12, 2025 шықәса. Аԥсныпресс. Аԥсны Аҳәынҭқарра адәныҟатәи аусқәа рминистр Олег Барцыц Урыстәылатәи Афедерациа адәныҟатәи аусқәа рминистр Сергеи Лавров Урыстәыла Амш идиныҳәалеит.

Аҟәа. Рашәарамза 12, 2025 шықәса. Аԥсныпресс. Аԥсны Жәлар Реизара-Апарламент Аиҳабы Лаша Ашәба Урыстәылатәи Афедерациа Афедералтә Еизара апалатақәа рнапхгаҩцәа Урыстәыла Амшныҳәа рыдиныҳәалеит.

УА Афедералтә Еизара Афедерациа Ахеилак Ахантәаҩы Валентина Матвиенко ихы лықәкны Аԥсны Жәлар Реизара - Апарламент Аиҳабы Ашәба Лаша, ҷыдала, иҳәеит: «Ҳаҭыр зқәу Валентина Иван-иԥҳа! Аԥсны Жәлар Реизара - Апарламент ахьӡала Шәаргьы шәколлегацәа - УА Афедералтә Еизара Афедерациа Ахеилак алахәцәагьы ишәыдысныҳәалоит аҳәынҭқарратә ныҳәа ду -  Урыстәыла Амш. Урыстәыла адунеитә политика, аекономика, акультура аҿы ароль ду назыгӡо, зқьышықәсалатәи аҭоурых змоу ҳәынҭқарроуп.  Иахьагьы уи аҿиарамҩа иануп, аҳәынҭқарратә институтқәа арӷәӷәареи жәларбжьаратәи арена аҿы ахатә интерессқәа рыхьчареи иаҿуп.

Аҟәа. Рашәарамза 12, 2025 шықәса. Аԥсныпресс. Аҟәатәи аҳаирбаӷәаза аҿы уи аиҭашьақәыргалара ашьҭахь раԥхьатәи афизиулиаж ҭбаа змоу аҳаирплан иаԥылоз Аԥсны атуризм аминистр ихаҭыԥуаҩ Дмитри Занҭариа атәыла атуристтә индустриа азы ари акыр зҵазкуа хҭысуп ҳәа иазгәеиҭеит. 

«Раԥхьаӡа акәны Аҟәатәи аҳаирбаӷәазаҿы итәаз аҳаирплан ахь апутиовкақәа рыла абилеҭқәа аазхәаз атуристцәа роуп. Рашәарамза 28 инаркны аԥхынра зегьы ари ареис мышкахьы ҩынтә инагӡахалоит.