Items filtered by date: Аԥшьаша, 15 Лаҵара 2025

Аҟәа. Лаҵарамза 15, 2025 шықәса. Аԥсныпресс. Аҳәынҭқарра-зинтә политика азы апарламенттә Еилакы иааиуа Апарламент асессиа аҿы Аԥсны апрокурор Хада имаҵураҭыԥ ахь Адгәыр Агрба икандидатура ахәаԥшразы рыбжьы арҭеит.

Аҳәынҭқарра Ахада Бадра Гәынба Аԥсны Аҳәынҭқарра апрокурор Хада икандидатура ықәиргылеит.

Аԥсны Аҳәынҭқарра Аконституциа ахәҭаҷ 76, "Аԥсны Аҳәынҭқарра Апрокуратуразы" Аԥсны Аҳәынҭқарра Азакәан ахәҭаҷ 12 инарықәыршәаны Аԥсны Аҳәынҭқарра Ахада Гәынба Бадра Аԥсны Жәлар Реизара - Апарламент ахәаԥшразы иқәиргылеит Аԥсны Аҳәынҭқарра апрокурор Хада имаҵураҟны иаҭаразы Агрба Адгәыр Нугзар-иԥа икандидатура.

Сухум. 15 мая 2025. Апсныпресс.  Обсуждению ситуации, связанной с участившимися случаями задержания граждан Республики Абхазия, получающими единое пособие Российской Федерации на детей, посвящалось расширенное заседание комитета по государственно-правовой политике и комитета по социальной политике, труду, здравоохранению, демографии и делам ветеранов и инвалидов войны. 

На заседание комитета были приглашены министр иностранных дел Олег Барциц, министр юстиции Анри Барциц, министр социального обеспечения и демографической политики Руслан Аджба, руководитель Администрации президента Беслан Эшба, полпред президента в Парламенте Батал Айба, врио председателя СГБ Алхас Чичба, уполномоченная по правам человека Анас Кишмария, представители МВД. 

Спикер парламента Лаша Ашуба отметил, что данный вопрос остро ставится  в обществе и его необходимо обсудить. 

Председатель комитета по государственно-правовой политике Даут Хутаба отметил, что вопрос сложный, но его необходимо решить. 

Аҟәа. Лаҵарамза 15, 2025 шықәса. Аԥсныпресс. Аԥсны Аҳәынҭқарра Ахада Гәынба Бадра Аԥсны Аџьынџьтәылатә еибашьра иалахәыз Аԥсны Аҳәынҭқарра Актәи Ахада  80 шықәса ихыҵра иазкыз агәалашәаратә усмҩаԥгатәқәа рыҽрылархәразы иааз.

Аиԥылара иара убас далахәын Аԥсны Ахада ихаҭыԥуаҩ Бигәаа  Беслан.

Аҟәа. Лаҵарамза 15, 2025 шықәса. Аԥсныпресс. Лаҵарамза 15 рзы 10-шықәса ахыҵит Аҩныҵҟатәи аусқәа Рминистрра аветеранцәа –1992-1993 шш. Аџьынџьтәылатәи еибашьра иалахәыз Рассоциациа.  

400-ҩык инареиҳаны аҩныҵҟатәи аусқәа Рминистрра аусзуҩцәа Аԥсны жәлар Рџьынџьтәылатәи еибашьра иалахәын.

Аԥыза-министр ихаҭыԥуаҩ, аҩныҵҟатәи аусқәа рминистр Роберт Киути Аҩныҵҟатәи аусқәа Рминистрра аусзуҩцәеи ахылаԥшырҭа адәаҿы ишьақәыргылоу 1992-1993шш. Аџьынџьтәылатәи еибашьраҿы иҭахаз рбаҟа амҵан ашәҭ шьыҵәрақәа шьҭарҵеит.

Ассоциациа аиубилеи иазку аныҳәатә еилатәара ихы алаирхәит Аҳәынҭқарра Ахада Бадра Гәынба.

Аилатәара аартуа, Роберт Киут аветеранцәа, анапхгара аусбарҭақәа рхаҭарнакцәеи ауаажәларреи дрыдныҳәалеит.

«Ҳаҭыр зқәу аветеранцәа, еицеибышьуаз, аҩызцәа! Аԥсны аҩныҵҟатәи аусқәа Рминистрра ахьӡала, хаҭала сара сыхьӡала гәык-ԥсыкала ишәыдысныҳәалоит аҩныҵҟатәи аусқәа Рминистрра автеранцәа - 1992-1993 шш. Аџьынџьтәылатәи еибашьра иалахәыз Рассоциациа  10-шықәса ахыҵра амш.  

Ари баша-маша рыцхәӡам, ари шәара шәфырхаҵара аҵакдура, шәдоуҳамч аӷәӷәара, шәуалԥшьа ламысла анагӡареи Аԥсадгьыл ахь ишәымоу абзиабареи зырҵабыргуа аамҭахәҭа ауп.  Ҳажәлар рзы еиҳа иуадаҩыз аамҭақәа рзы аҩныҵҟатәи аусқәа русбарҭақәа аусзуҩцәа Ареспублика Аԥсны асуверенитети ахьыԥшымреи рыхьчаразы рахьа игылаз иреиуоуп.

Шәара абџьар кны аӷа шәиҿагылеит, атыл аҿы арратә хыдҵақәа нашәыгӡон, аибашьра аҭагылазаашьақәа рҿы азинеиҿкаареи аҭышәынтәалареи рышьақәыргылара азы аус шәуан. Уи зегьы хьыӡла-ԥшала инашәыгӡон. Ассоциациа иҳаҩсыз  10-шықәса рыла аҿар рпатриоттә, рлеишәатә, рҭоурыхтә ааӡара иузаҟәымҭхо иадҳәалахеит. Шәара иҭахаз ргәалашәара анаунагӡатәра ахьӡала шырратә ҩызцәа шәрыцхраауеит, атәыла ауаажәхларратә ԥсҭазаара активла шәалахуп, абиԥарақәа реимадара арӷәӷәара аҿы хәызмаӡам шәлагала алашәҵоит», – ҳәа иҳәеит иара.

Сухум. 15 мая 2025. Апсныпресс. 15 мая исполнилось 10 лет Ассоциации ветеранов МВД -  участников участников боевых действий в Отечественной войне народа Абхазии 1992-1993 гг.

Аҟәа. Лаҵарамза 15, 2025 шықәса. Аԥсныпресс. Аԥсны Раԥхьатәи Ахада Владислав Арӡынба Ихраҿа агаразы автеранцәа рыбжьара ашьапылампыл азы XV Жәларбжьаратәи атурнир мҩаԥысуеит лаҵарамза 13 – 19 рзы Алаҳаӡы ақыҭан.

Иахьа атурнир даҭааит Аҳәынҭқарра Ахада Бадра Гәынба.

Атурнир рхы аладырхәуеит  Узбекьысҭан, Аахыҵ Уаԥстәыла, «Чалтырь» (ақ. Ростов-на-Дону), «Сулин» (Ростовтәи аобласт) акомандақәа, Шәачеи Адлери еиду акоманда, иара убас Аԥсны ахьӡала х-командак.

Аҳәынҭқарра Ахада Бадра Гәынба атурнир асасцәеи алахәылацәеи аветеранцәа рыбжьара ашьапылампыл азы XV Жәларбжьаратәи атурнир аофициалла аартра рыдиныҳәалеит.

Аҟәа. Лаҵарамза 15, 2025 шықәса. Аԥсныпресс. Аӡхәааӡара азы аҵаратә тренингқәа мҩаԥысит лаҵарамза 13 – 14 рзы Аҟәа ақалақь аҿы.  Уи рхы аладырхәит Аԥсны араионқәа рҟынтәи 40-ҩык инарзынаԥшуа аҩыҟаҵаҩцәеи аӡахәааӡаҩцәеи, ҳәа адырра ҟанаҵоит Еиду Амилаҭқәа Реиҿкаара афатәи-жәтәи ақыҭанхамҩатәи еиҿкаара (ФАО) Аҟәа ақалақь аҿы иҟоу апроекттә офис.  

Апрограмма иалагалан атеориатә лекциақәа реиԥш, аӡахәаҭрақәа рҿы апрактикатә ҽазыҟаҵарақәеи. Аҽазыҟаҵарақәа раан аӡахәаҭрақәа авегетациа анымҩаԥысуа аамҭазы ахылаԥшра рыҭара, рааӡара иадҳәалоу ихадоу аспектқәа инарҭбааны иахәаԥшит. Алахәылацәа ахҿарах аилыхра иадҳәалоу ҳаамҭа иақәшәо аметодикақәа дырбан.

Аҟәа. Лаҵарамза 15, 2025 шықәса. Аԥсныпресс. Аҳәынҭқарра Ахада ААР аусзуҩцәеи Аԥсны Аџьынџьтәылатә еибашьра аветеранцәеи р-Ассоциациа жәашықәса ахыҵра  азгәаҭара иазкыз аусмҩаԥгатә ихы алаирхәит.

Аԥсны Аҳәынҭқарра Ахада Гәынба Бадра далахәын Аҩныҵҟатәи Аусқәа Рминистрра аусзуҩцәеи Аԥсны Аџьынџьтәылатә еибашьра аветеранцәеи р-Ассоциациа жәашықәса ахыҵра  азгәаҭара иазкыз аныҳәатә еилатәара.