16-ноября-2022

АПАРЛАМЕНТТӘ ЕИЛАКЫ АҲӘЫНҬҚАРРАТӘ ҲАМҬАҚӘЕИ АҲАҬЫРТӘ ХЬЫӠҚӘЕИ РЗЫ АЗАКӘАН АԤСАХРАҚӘА РАЛАГАЛАРАЗЫ АБЖЬГАРА ҞАНАҴОИТ.

Аҟәа. Абҵарамза 16, 2022 шықәса. Аԥсныпресс. Ахаша, абҵарамза 16 рзы Апарламент аҟны имҩаԥысит Венори Бебиа хантәаҩра ззиуаз Аԥсны Жәлар Реизара-Апарламент Акультуреи, аҿар русқәеи, аспорти рзы аилак аилатәара. 

Аилак аилатәара иалахәын Акультура аминистр Даур Ақаҩбеи Аха Иадминистрациа аҳәынҭқарра-зинтә усбарҭа аиҳабы Наҭела Ламиеи.

Адепутатцәа ахәаԥшит «О внесении изменений в Закон Республики Абхазия «Аԥсны Аҳәынҭқарра аҳәынҭқарратә ҳамҭақәеи аҳаҭыртә хьыӡқәеи рзы « Аԥсны Аҳәынҭқарра Азакәан аԥсахрақәа ралагаларазы» азакәан апроект.

Ари азаконопроект ала ирыдыргалеит аҳаҭыртә хьыӡ ҿыцқәа «Аԥсны Аҳәынҭқарра зҽаԥсазтәыз асахьаҭыхҩы», иара убас аҳаҭыртә хьыӡқәа «Жәлар рартист», «Жәлар рышәҟәыҩҩы»,»Жәлар рпоет», «ЖӘлар рсахьаҭыхҩы» рыхҳәаа ахәҭаҟны Азакәан аԥҟара ҿыц аҩра.

Аилацәажәара аихшьала ала, Аилак алахәцәа азыӡба шьҭырхит ари азакәанапроект ааигәа имҩаԥысуа Аԥсны Жәлар Реизара-Апарламент асессиа аилатәараҟны актәи аԥхьараан рыдкыларазы ақәыргылара. 

 


Прочитано 919 раз Последнее изменение 17.11.2022
Image
Image
Image
Image
Информационное Агентство "АПСНЫПРЕСС" (РГУ "АПСНЫМЕДИА") © 2024
Все права на любые материалы, опубликованные на сайте, защищены в соответствии с абхазским и международным законодательством об авторском праве и смежных правах. Использование любых аудио-, фото- и видеоматериалов, размещенных на сайте, допускается только с разрешения правообладателя и ссылкой на www.apsnypress.info.