23-января-2023

АԤСНЫ АҲӘЫНҬҚАРРАТӘ АВТОИНСПЕКЦИА АХАТӘЫ TELEGRAM-КАНАЛ ААНАРТИТ.

Аҟәа. Ажьырныҳәамза 23, 2023 шықәса. Аԥсныпресс. Аԥсны аҩныҵҟатәи аусқәа Рминистрра аҳәынҭқарратә автоинспекциа Аусбарҭа ахатәы   Telegram-канал «АԤСНЫ АҲӘЫНҬҚАРРАТӘ АВТОИНСПЕКЦИА» аусура иалагеит. Уи ахылаԥшырҭа аусура иазкхоит.  Араҟа имҩаԥгахалоит амҩаҿы аныҟәара аԥҟарақәа рганахьала актуалра злоу,  хра злоу аинформациа зцу  аилыркаагатә блок, атестқәа, уҳәа, ҳәа адырра ҟаиҵеит Аԥсны автоинспециа Аусбарҭа анапхгаҩы Баҭал Агрба.

Telegram-канал «АԤСНЫ АҲӘЫНҬҚАРРАТӘ АВТОИНСПЕКЦИА» аинформациатә цәаҳәа аҿы амш иалагӡаны иҟало ажәабжь ҿыцқәа анылалоит. Убас ала, аканал анапаҵаҩҩцәа зегьы аҳәынҭқарратә автоинспекциа аусура иадҳәалоу актуалра злоу ахҭысқәа, иарбоу амаҵзура анапхгараҭара иаднакыло аӡбамҭақәа,аоперативтә дыррақәа, автомашьына арныҟәцаҩцәа рзы абжьгарақәа, алагала ҿыцқәа, апасаџьырцәа, ашьаҟауаа зегьы реиԥш амашьынарныҟәцаҩцәа ирыдҳәаланы азакәанԥҵара аҿы ицәырҵуа аиҭакрақәа, уҳәа рзы зегьы раԥхьа адырра аиуразы алшара роуеит. Аканал аԥхьаҩцәа амҩатә ԥҟарақәа рдырра аҩаӡара ашьҭыхраҿы ицхыраагӡа дуны иҟалоит», — ҳәа еиҭеиҳәеит Баҭал Агрба.

Аканал аҿы иара убас ианылоит аҳәынҭинспекциа аусура иазку авидеоматериалқәа, амҩаҿы аныҟәара ашәарҭадара алыршара иазку асоциалтә ӡыргарақәа.


Прочитано 808 раз
Image
Image
Image
Image
Информационное Агентство "АПСНЫПРЕСС" (РГУ "АПСНЫМЕДИА") © 2024
Все права на любые материалы, опубликованные на сайте, защищены в соответствии с абхазским и международным законодательством об авторском праве и смежных правах. Использование любых аудио-, фото- и видеоматериалов, размещенных на сайте, допускается только с разрешения правообладателя и ссылкой на www.apsnypress.info.