10-ноября-2022

АСЛАН БЖЬАНИА: «АԤСНИ УРЫСТӘЫЛЕИ РЕИМАБЗИАРАТӘ ЕИЗЫҞАЗААШЬАҚӘА РЫРӶӘӶӘАРА – ЕИЦАКРА ЗМАМ, ХЬАҲӘА- ԤАҲӘАРАДА ИМҨАԤЫСУА АПРОЦЕСС АУП».

Аҟәа. Абҵарамза 10, 2022 шықәса. Аԥсныпресс. «Аԥсни Урыстәылеи реимабзиаратә еизыҟазаашьақәа рырӷәӷәара – еицакра змам, хьаҳәа-ԥаҳәарада имҩаԥысуа апроцесс ауп», - ҳәа ҩы-шықәсеи бжаки рыла, атәыла Ахадас иҟазаара аамҭа иҭагӡаны имҩаԥгаз  аусура азы аҳасабырба ҟаҵо иҳәеит Аҳәынҭқарра Ахада Аслан Бжьаниа. 

«Аԥсны Кавказтәи арегион аҿы аҭышәынтәалареи ашәарҭадареи рырӷәӷәара иадҳәалоу апроцесс аҿы хадара злоу обектны ишыҟац иаанхоит. Ҳара –  Урыстәыла адгылаҩцәа ҳауп, аринахысгьы аҩ-ҳәынҭқаррак рыжәларқәа рзы хра злоу аԥсны-урыстәылатәи аизыҟазаашьақәа рыҿиареи рырӷәӷәареи рзы иҳалшо зегьы ҟаҳҵалоит», - ҳәа иазгәеиҭеит Аҳәынҭқарра Ахада.

Уи иара убас атәыла иазаарту, азинқәа азхазҵо, аус ацуреи акыр аамҭа ирҭагӡоу, узықәгәыӷыртә иҟоу, иаарту аизыҟазаашьақәеи иазхиоу зегьы рзы иаартызароуп ҳәа иазгәеиҭеит.

Атәыла аекономика аҿиара иаԥырхагоу апроблемақәа раҳасабала иара иазгәеиҭеит ззанааҭтә дырра ҳараку аспециалистцәа, аусзуҩцәа разымхара, аенергиатә еиқәыршәара аҿы иҟоу ауадаҩрақәа, аусурҭадара, аиофциалтәым аекономикв асектор аҿиара, аалыҵ аҭира аҿы иҟоу аԥкызаара, уҳәа. убас иҵегьы.

Иара убасгьы, Аҳәынҭқарра Ахада иажәақәа рыла, иҳаҩсыз ашықәсқәа рзы Аԥсны иалыршахеит  афинанс-економикатәи абанктәи, агәабзиарахьчареи акультуреи русхкқәа рҿы, иара убас атәылахьчареи ашәарҭадареи аӡбаратә системеи аконституциатә закәанԥҵареи рганахьала комплексла аиҭакрақәа ралагалара ҳәа инаҵшьны иазгәеиҭеит.

«Зегьы ирыцку – еиуеиԥшым аусхкқәа рҿы хра злоу атенденциақәа риааиреи анаҩстәи аҿиаразы иманшәалоу аҭагылазаашьақәа раԥҵареи ҳалшеит», - ҳәа иҳәеит Аҳәынҭқарра Ахада. 

 


Прочитано 735 раз Последнее изменение 12.11.2022
Image
Image
Image
Image
Информационное Агентство "АПСНЫПРЕСС" (РГУ "АПСНЫМЕДИА") © 2023
Все права на любые материалы, опубликованные на сайте, защищены в соответствии с абхазским и международным законодательством об авторском праве и смежных правах. Использование любых аудио-, фото- и видеоматериалов, размещенных на сайте, допускается только с разрешения правообладателя и ссылкой на www.apsnypress.info.