Аҟәа. Хәажәкырамза 14, 2024 шықәса. Аԥсныпресс. Аҳәынҭқарра Ахада Аслан Бжьаниа Ҟарачы-Черқьесстәи Ареспублика Ахада Рашид Темрезов иира Амш идиныҳәалеит.
Адныҳәаларатә цҳамҭа аҿы, ахәҭакахьала иазгәаҭоуп:
«Ҳаҭыр зқәу Рашид Бориспи-иԥа! Шәира Амш инамаданы ишәыдышәкыл сара сҟынтәи гәыкала иҟаҵоу адныҳәалара. Шәара – ламысцқьала, ҟазарыла аҳәынҭқарратә усура назыгӡо, есыҽны Ҟаачы-Чарқьесстәи Ареспублика ажәлар рыҿиареи рсоциал-економикатә еизҳазыӷьареи злагала алазҵо иналукааша аԥыза шәоуп.
Аԥхарра аҵоуп ҳаиԥыларақәа ргәалашәара. Агәра ганы сыҟоуп ҳаԥхьаҟагьы ҳаиашьаратә жәларқәа реимабзиаратә еизыҟазаашьақәа рыҿиара азы ҳусеицура ишацҵахо.
Шәира Амш аҽны ишәзеиӷьасшьарц сҭахуп, ҳаҭыр зқәу Рашид Бориспи-иԥа, агәабзиара, агәамч, аизҳазыӷьара, Ҟарачы-Черқьесстәи Ареспублика аҿиара азы иқәшәыргылаз ахыдҵақәеи агәҭакқәеи зегьы рынагӡара».
