Аҟәа. Мшаԥымза 29, 2024 шықәса. Аԥсныпресс. 150 см. иҟоу Гран-При агаразы амаршрут Аҽырыҩра-спорттә Комплекс «Виват, Россия!» аҿы имҩаԥысит, ҳәа адырра ҟанаҵоит Урыстәыла аҽыбӷаҟазаратә спорт Афедерациа апресс-маҵзуа.
Аицлабрақәа ирҭааит аҭыԥ дуқәа аанызкыло асасцәа: Аԥсны Аҳәынҭқарра Ахада Аслан Бжьаниа, Аԥсны аҿари аспорти русқәа рзы Аҳәынҭқарратә Еилакы ахантәаҩы.
Атурнир акурс-дизаинер Илиа Большаков Гран-При иалахәыз ирыдигалеит имариамыз ахыдҵа – 13 ԥынгыла ирхысны урҭ 16 аԥаратә ҽаршьцыларақәа ҟарҵар акәын. Иԥхьагылаз акәаԥ-каԥрала аҽаршьцылара анагӡара рзыԥшын. Урҭ ирхысит хә-ҩык аҽыбӷаҟазацәеи рыҽқәеи дареи. Дара гхада ихадоу адистанциа иахысит. Сергеи Петрови уи дзықәтәаз Ламур Зет ҳәа ахьӡ ҷыда змоу аҽыҩи 44,34 секундк рыла рыдҵа нарыгӡеит. Акәаԥ-каԥрала аҽаршьцылара анагӡара аҿы иреиӷьу алҵшәа – 42,74 секундак - аалырԥшит Наталиа Симониа, аха уи дзықәтәаз аҽы Кваренги гхак ҟанаҵеит. Убри аҟнытә дара ахԥатәи аҭыԥ ауп иаанырклаз. Иван Малиугини уи дзықәтәаз Милан МС ҳәа ахьӡ ҷыда змоу аҽыҩи гхада акәаԥ-каԥрала аҽаршьцылара нарыгӡеит, аха уеизгьы амаршрут аҿы аиааира згаз Сергеи Петров изхьымӡаӡеит.
Уи аԥхьа имҩаԥган Аԥсны жәлар Рџьынџьтәылатәи еибашьра аҿы иҭахаз аибашьцәа ргәалашәара Ахраҿа агаразы атурнир. Зԥынгылақәа 140 см. рҟынӡа инаӡо амаршрут аҿы аиааира лгеит Дария Шьербатых.
Аԥсны Ахраҿа абар шьҭа хәынтәны имҩаԥысуеит, аха Аҽырыҩра-спорттә Комплекс ««Виват, Россия!» аҿы уи раԥхьаӡа имҩаԥган. Ари атурнир амҩаԥгара аԥшьгаҩыс дҟалеит конкур азы Асовет Еидгыла изныкымкәа иачемпионхахьоу Харлам Симониа.
