Дарбанызаалак ахәыҷы – ари гәыӷрала, гәазыҳәарала, иссиру аартрақәа рыла игәылҭәаау акы еиԥшым адунеи ауп», – ҳәа иазгәаҭоуп адныҳәалара атекст аҿы.

Мактина Џьынџьалԥҳа Аԥснытәи ахәыҷқәа зегьы  ирзеиӷьалшьеит агәабзиара, ргәахәтәқәа рынагӡара, аҩызцәа иашақәеи иҳәаадоу алшарақәеи хьаҳәхьачара зцым аидеиақәеи.

«Аиҳабацәа зегьы рахь схы рханы ааԥхьара ҟасҵоит Аԥсны ахәыҷқәа реизҳазыӷьара азы ирылшо зегьы ҟарҵарц. Шәааи, ҳхәыҷқәа ргәы бзианы иахьрызҳаша, иахьыҿиаша, анаҩс Ҳаԥсадгьыл азы ихәарҭаны иҟалартә еиԥш хра злоу адыррақәа ахьроуша аҭагылазаашьақәа аԥаҳҵап», – ҳәа иаҳәоит адныҳәалара аҿы.  

Ахәыҷы изинқәа рыхьчаразы азинмчы змоу ахәыҷқәа зегьы агәабзиара, анасыԥ, аҵараҿы аихьӡарақәа, рыгәҭакқәеи ргәазыҳәарақәеи рынагӡара рзеиӷьалшьеит. «Шгәазыҳәарақәа зегьы нагӡахааит, шәыԥсҭазаара хра злоу ахҭысқәа, аемоциақәа, ишәзааигәоу ауаа ргәыбылреи  рыԥхарреи рыбзиабареи  рыла игәылҭәахааит! Шәадныҳәалаз Жәларбжьаратәи ахәыҷқәа рыхьчара Амш!», - ҳәа иазгәаҭоуп адныҳәалара аҿы.